Aniturri CNC Fresagailua

Gero eta gutxiago geratzen da kurtsoa amaitzeko, eta hobetu genitzakeen proiektuaren atalei buruzko hausnarketa txiki bat egin dugu. Hona hemen atera ditugun ondorioetako batzuk: Zer egin dugu ondo talde gisa? Hasieratik ondo moldatu gara talde gisa. Egia da hasieran bakoitzak modu indibidualagoan lan egiten genuela pentsatzen genuelako, bakoitzari gauza bat ondo ematen zaigulako eta horrela denbora asko aurreztuko genuela pentsatzen genuelako. Hala ere, arazoak sortu ahala, konturatu ginen talde-lana ezinbestekoa zela, eta elkarrekin hasi ginen lanean. Orduan ikusi genituen benetan aurrerapen handiak proiektuan. Sinestezina badirudi ere, ez dugu inoiz gatazka handirik izan. Bakoitzak gure iritzia eman dugu beti, eta denak errespetuz eztabaidatu ditugu. Zortea izan dugu, proposatu ditugun ideiak ideia onak iruditu zaizkigulako beti. Batzuetan, pertsona ezberdinen ideiak elkartu ere egin ditugu, proiektua guztion gustukoa izan zedin. Uste dut oso ondo funtzionatzen dugula talde modu

Gero eta gutxiago geratzen da gure bizitzako etapa gogor eta aldi berean polit bat amaitutzat emateko. Gauza asko ikasi ditugu aurten, gure lanari esker. Horregatik, ikasitako ezagutza horien guztien bilduma egitea erabaki dugu. Hona hemen gutako bakoitzak ikasitakoa: Hainbat dira proiektu honekin ikasi ditudan gauzak: Proiektua berez hasita zegoen, eta zerotik abiatu ordez hainbat parametro ezarrita geneuzkan. Horrek erakutsi dit zaharrak diren makinek edo tresnek, moldaketa sinple batzuei esker beste noizbait izan zuten xarma berreskuratu dezaketela. Arlo teoriko-praktikoari dagokionez, lehenago ezer ez genekien programak erabili ditugu, eta horri esker, programatzeko gaitasuna hobetu dugu. Era berean, makinarako beharrezkoak genituen piezak lortzeko hainbat material frogatu, diseinatu eta fabrikatu ditugu, hala nola, euskarriak. Taldean lan egiteko aukerak partaide guztien gaitasunak hobetu ditu, hasieran modu indibidualistan lan egiten genuen, baina denborarekin arazoari aurre

Aurreko post-ean esan genuen bezala, konfinamendu egun hauek baliatzen ari gara proiektuari buruzko dokumentazio guztia ordenatzeko. Sailkapena egiten ari ginen, proiektuaren diseinuak aurkitu genituenean, eta konturatu ginen ez geneuzkala blogean argitaratuta. Pentsatu genuen ideia ona izan litekeela hauek igotzea, azken finean horiek dira gure hasierako ideiak islatzen dituzten irudiak, baita proiektua aurrera ateratzen lagundu digutenak ere. Beraz, beste luzapenik gabe, hona hemen irudiak.     

Zenbat denbora hemendik igaro gabe! Koronabirus madarikatuagatik oraintxe bertan bizitzen ari garen egoera oso arraroa da, eta ezustean harrapatu gintuen guztiak; beraz, ez genuen proiektua amaitzeko denborarik izan. Hala ere, ez pentsa bloga ahaztu dugunik eh... Egiten dugun guztia eta aurrerapen guztiak igotzen jarraituko dugu, nahiz eta, oraintxe bertan, etxetik eta bananduta egonda, ezin ditugun nahiko genituzkeen adina gauza egin. Egunotan egin duguna izan da drive-an karpeta bat sortzea eta orain arte proiektuari buruz bildu dugun dokumentazio guztia sartzen joatea. Gaika sailkatu dugu. Alde batetik plangintzak, bestetik diseinuak, planoak, materialak, argazkiak... Ez dakigu proiektua bukatzeko aukera izango dugun (espero baietz), baina horrela ez bada behintzat egindako gutziaren dokumentazioa txukun edukitzeko balioko digu guzti honek, bai driven eta bai blogean.

Aurreko post batean aurreratu genuen bezala, irudi berriak bektorizatzen saiatzen ari gara, zailtasun handiagoa dutenak. "Lendakaris muertos" musika taldearen logoa aukeratu dugu (zuri-beltzeko hartz panda bat). Irudia prest daukagu, gcode-n probatzea besterik ez da geratzen. Oraindik ezin dugu probatu, 1 mm-ko fresarako konoak behar ditugulako. Xehetasun batzuk dituen marrazkia da, eta, beraz, zehaztasuna behar da.

Badaukagu euskarriaren diseinua erabakita. Lehenik eta behin, lau ardatz bertikal finkatuko dizkiogu CNC fresagailuaren mahaiari. Ondoren, taula bat egingo dugu 3D inprimagailuarekin, izkinetan lau zulo dituela, fresagailura finkatutako ardatzetatik sartu ahal izateko. Azkenik, nahi dugun altuerara egokituko dugu azkoinekin.  Oharra: Altuera behar adina aldiz alda daiteke, une bakoitzean fresatu nahi dugun egurraren lodieraren arabera.